شنکیاری: خودکشی کیس میں پیش رفت، مقدمے کا نامزد ملزم گرفتار.

تھانہ شنکیاری کی حدود مکڑہا میانہ میں واقع ایک پولٹری فارم پر محمد عارف کی خودکشی کے مقدمے میں پیش رفت کرتے ہوئے پولیس نے نامزد ملزم یونس ولد مولوی زاہد سکنہ مکڑہا کو گرفتار کر لیا ہے۔
پولیس کے مطابق واقعے کے فوراً بعد ضابطہ فوجداری کی دفعہ 174 کے تحت کارروائی شروع کی گئی۔ بعد ازاں متوفی کے والد اور بیوہ کے بیانات قلمبند کیے گئے، جن کی روشنی میں یونس، اس کے بیٹے اور پولٹری فارم کے مالک کو مقدمے میں نامزد کیا گیا۔
پولیس نے بتایا کہ ملزمان کے خلاف تھانہ شنکیاری میں تعزیراتِ پاکستان کی دفعات 322/34 کے تحت مقدمہ درج کیا گیا ہے۔
ابتدای تفتیش کے مطابق محمد عارف مبینہ طور پر پولٹری فارم اور لین دین سے متعلق معاملات کے باعث شدید ذہنی دباؤ کا شکار تھا، جس کے بعد اس نے خودکشی کی۔
پولیس نے مقدمے میں نامزد ملزم یونس کو گرفتار کر لیا ہے، جبکہ دیگر نامزد افراد کی گرفتاری اور مقدمے کی مزید تفتیش جاری ہے۔ پولیس کا کہنا ہے کہ تفتیش میں ہونے والی پیش رفت سے عوام کو آگاہ کیا جاتا رہے گا۔
نوٹ: یہ خبر پولیس کی ابتدائی تفتیش اور درج شدہ مقدمے کی تفصیلات پر مبنی ہے۔ مقدمے میں عائد الزامات عدالت میں ثابت ہونا باقی ہیں، اور تمام نامزد افراد قانون کے مطابق صفائی کا حق رکھتے ہیں۔