پاکستان میں انٹرنیٹ سروس 18 گھنٹوں کیلئے ممکنہ سست روی کا شکار ہوسکتی ہے زیرِ سمندر کیبل کی بحالی کا کام آج سے شروع۔
اسلام آباد ملک میں انٹرنیٹ صارفین کو منگل کے روز سروس میں ممکنہ کمی یا سست روی کا سامنا کرنا پڑ سکتا ہے، کیونکہ پاکستان کی بین الاقوامی زیرِ سمندر کیبلز میں سے ایک پر بحالی و مرمت کا عمل شروع کیا جا رہا ہے۔
کمپنی کی جانب سے جاری کردہ ایک اعلامیہ میں بتایا گیا ہے کہ ایک بین الاقوامی کیبل کنسورشیم متاثرہ نظام میں خراب ریپیٹر کی مرمت کرے گا۔ یہ تکنیکی سرگرمی منگل کی صبح 11 بجے (پاکستان معیاری وقت) شروع ہوگی اور اس کا دورانیہ تقریباً 18 گھنٹے تک متوقع ہے۔
اعلامیہ کے مطابق، “بحالی کے دوران صارفین کو انٹرنیٹ سروس میں عارضی کمی یا سست روی کا سامنا ہو سکتا ہے۔ ہمیں اس ممکنہ تکلیف پر افسوس ہے۔” حکام پی ٹی سی ایل
کمپنی نے مزید بتایا کہ رکاوٹ کے اثرات کو کم سے کم رکھنے کے لیے متبادل نظاموں کے ذریعے ٹریفک کو ازسرِ نو ترتیب دیا جا رہا ہے، تاہم مکمل بحالی تک مختصر تاخیر یا رفتار میں کمی کے مسائل پیش آ سکتے ہیں۔یہ امر قابلِ ذکر ہے کہ پاکستان کی انٹرنیٹ کنیکٹیویٹی کئی بین الاقوامی کنسورشیا کے زیرِ انتظام مختلف زیرِ سمندر کیبلز پر انحصار کرتی ہے، اور ان میں سے کسی ایک نظام میں تعطل یا مرمت کا عمل ملک گیر سطح پر بینڈوِڈتھ کی استعداد پر عارضی اثر ڈال سکتا ہے.
