مانسہرہ : تھانہ پھلڑہ، شہری کے ساتھ 10 لاکھ کا فراڈ کرنے والے ملزمان گرفتار ۔ضلعی پولیس سربراہ مانسہرہ محمد اظہر خان کےاحکامات پر عوام کے ساتھ فراڈ دھوکہ دہی کرنے والے نوسربازوں کے خلاف کاروائیوں کا سلسلہ جاری ہے ۔
تفصیلات:-
تفصیلات کے مطابق مدعی ایاز نے پولیس کو رپورٹ کرائ کہ وقاص احمد ولد عبدالمنان سکنہ اوگی حال اسلام آباد ، سعادت فقیر ولد فقیر سکنہ چکدرہ ، ایاز ولد فضل بہادر سکنہ مردان ، امیر الدین ولد جمال الدین النہ میانوالی جو کہ میرے دوست ہیں جنھوں نے مجھے کچھ عرصہ پہلے بچھو خریدنے کا مشورہ دیا۔مجھے اسلام آباد سے ساتھ لے کر مانسہرہ آگئے اور گوجرہ پل پر ہوٹل پر بٹھا دیا جہاں پر ثاقب شہزادنامی شخص ملا۔
جنھوں نے مجھ سے 10 لاکھ روپے کی رقم لی اور مجھے ہوٹل پر بٹھا کر چلے گئےاور کہا کہ تم یہاں ہی بیٹھو ہم بچھو لے کر آتے ہیں۔تھوڑی دیر بعد تمام افراد واپس آگئے اور کہا کہ ہمارے ساتھ دھوکہ ہوگیا ہے۔مذکورہ بالا اشخاص کا ایک منظم گروپ ہے جنکے ہمراہ 3/4 اشخاص نامعلوم بھی اس گروہ میں شامل ہیں جنھوں نے میرے ساتھ دھوکہ کیا ہے۔
پولیس نے فوری طور پر کاروائ کرتے ہوئے ملوث ملزمان کو گرفتار کرکےمدعی سے نوسربازی کرکے ہتھیائ گئ رقم میں سے ساڑے 8 لاکھ روپے ریکور کر لئیے۔گرفتار ملزمان میں وقاص ، سعادت فقیر ،محمد قاسم اور امیر الدین شامل۔دیگر ملزمان کی گرفتاری کے لئیے چھاپوں کا سلسلہ جاری ہے۔
