بٹگرام : صوبائی حکومت کی گڈ گورنس پالیسی کے تحت ایڈیشنل اسسٹنٹ کمشنر بٹگرام، حبیب اللہ نے اسسٹنٹ کمشنر رضوان برکی کے ہمراہ بٹگرام بازار کا دورہ کیا۔
دورے کے دوران انہوں نے اشیائے خوردونوش کے معیار اور قیمتوں کا تفصیلی جائزہ لیا۔ معائنہ کے موقع پر جنرل اسٹورز اور دیگر دکانوں سے قیمتوں کے بارے میں معلومات حاصل کی گئیں۔ نرخنامہ سے تجاوز کرنے والے متعدد دکانداروں پر موقع پر جرمانے عائد کیے گئے۔
ایڈیشنل اسسٹنٹ کمشنر نے دکانداروں کو ہدایت کی کہ تمام اشیائے خوردونوش سرکاری نرخنامہ کے مطابق فروخت کی جائیں اور بازار میں صفائی و ستھرائی کو یقینی بنایا جائے۔
