ڈسٹرکٹ پولیس آفیسر کوہستان لوئر عبدالسلام خالد نے وفاق المدارس کے تحت قائم مختلف امتحانی مراکز کا دورہ کیا۔ اس موقع پر انہوں نے امتحانی عمل، نظم و ضبط، حفاظتی انتظامات اور طلبہ کو فراہم کی جانے والی سہولیات کا جائزہ لیا۔
ڈی پی او نے امتحانی نظام کو شفاف اور منظم قرار دیتے ہوئے ذمہ داران کی کارکردگی کو سراہا اور دینی مدارس کے کردار کو نئی نسل کی اخلاقی و تعلیمی تربیت کے لیے نہایت اہم قرار دیا۔
انہوں نے یقین دہانی کرائی کہ پولیس کی جانب سے امتحانی مراکز کو مکمل سکیورٹی اور ہر ممکن تعاون فراہم کیا جاتا رہے گا تاکہ طلبہ پُرامن ماحول میں اپنی تعلیم جاری رکھ سکیں۔
