اخوت کلاتھز بینک (ACB) کی جانب سے کالاش ویلی، ضلع چترال میں موسمِ سرما کے پیشِ نظر ایک خصوصی کپڑوں کی تقسیم کی تقریب منعقد کی گئی، جس میں مقامی برادری کے مستحق مرد و خواتین اور بچوں کو ضروری گرم ملبوسات فراہم کیے گئے۔
تقریب کے دوران اخوت کلاتھز بینک کے نمائندگان نے کہا کہ سرد موسم میں متاثرہ اور ضرورت مند خاندانوں کی مدد کرنا ادارے کی اولین ترجیح ہے، تاکہ وہ شدید موسم میں اپنی روزمرہ زندگی کو بہتر انداز میں گزار سکیں۔ مقامی عمائدین اور سماجی کارکنوں نے بھی اس اقدام کو سراہتے ہوئے اسے انسانیت کی خدمت کی بہترین مثال قرار دیا۔
شرکاء کا کہنا تھا کہ اس طرح کی فلاحی سرگرمیاں نہ صرف معاشرتی یکجہتی کو فروغ دیتی ہیں بلکہ دور دراز اور پسماندہ علاقوں میں بسنے والے افراد کے لیے امید اور سہارا بھی بنتی ہیں۔
