ڈی پی او مانسہرہ کی فورس کے ہمراہ افطار اور جوانوں کی حوصلہ افزائی.

ضلعی پولیس سربراہ مانسہرہ محمد اظہر خان کی جانب سے اپنی فورس کی حوصلہ افزائی اور ان کے ساتھ قریبی روابط برقرار رکھنے کا سلسلہ جاری ہے۔ اس سلسلے میں ڈی پی او مانسہرہ نے تھانہ سٹی مانسہرہ کا دورہ کیا اور پولیس افسران و جوانوں کے ہمراہ روزہ افطار کیا۔






افطار کے موقع پر پولیس اہلکاروں نے ایک ہی دسترخوان پر بیٹھ کر باہمی محبت، بھائی چارے اور یکجہتی کا عملی مظاہرہ کیا۔ اس اجتماع نے فورس کے اندر اتحاد، نظم و ضبط اور ٹیم ورک کے جذبے کو مزید مضبوط کیا۔ اہلکاروں نے خوشگوار ماحول میں روزہ افطار کیا اور ایک دوسرے کے ساتھ خیالات بھی شیئر کیے۔
اس موقع پر ڈی پی او مانسہرہ نے خطاب کرتے ہوئے کہا کہ رمضان المبارک صبر، برداشت، ایثار اور انسانی ہمدردی کا درس دیتا ہے۔ انہوں نے کہا کہ اپنی فورس کے ساتھ وقت گزارنا اور ان کے ساتھ افطار کرنا نہ صرف پولیس اہلکاروں کی خدمات کو سراہنے کے مترادف ہے بلکہ ان کے مورال کو بلند کرنے کا بھی مؤثر ذریعہ ہے۔
انہوں نے مزید کہا کہ مانسہرہ پولیس عوام کی جان و مال کے تحفظ، امن و امان کے قیام اور قانون کی بالادستی کو یقینی بنانے کے لیے بھرپور محنت جاری رکھے گی۔ پولیس اہلکاروں کی فلاح و بہبود، تربیت اور حوصلہ افزائی ہمیشہ ترجیح رہے گی تاکہ فورس مزید جذبے اور ذمہ داری کے ساتھ اپنی خدمات سرانجام دے سکے۔