ہری پور:(مانسہرہ_ڈاٹ_کام) ڈسٹرکٹ پولیس آفیسر ہری پور شفیع اللہ گنڈاپور کے “منشیات سے پاک ہری پور” وژن کے تحت ضلع بھر میں منشیات فروشوں کے خلاف کریک ڈاؤن تیز کر دیا گیا ہے۔ اسی سلسلے میں تھانہ خانپور پولیس نے ایک کامیاب اور مؤثر کارروائی کرتے ہوئے تین منشیات فروشوں کو گرفتار کر لیا۔
پولیس ذرائع کے مطابق کارروائی خفیہ اطلاع پر عمل میں لائی گئی، جہاں مختلف علاقوں سے تعلق رکھنے والے ملزمان کو حراست میں لیا گیا۔ گرفتار ہونے والوں میں سالار گاہ کا رہائشی حسنین ولد خالد، ٹیکسلا کا رہائشی شاہ زیب ولد خضر خان اور ترنول سے تعلق رکھنے والا عابد ولد مغل موسیٰ شامل ہیں۔
🔍 کارروائی کے دوران پولیس نے ملزمان کے قبضے سے بھاری مقدار میں شراب برآمد کی، جس میں ہر ملزم کے پاس سے 30، 30 لیٹر جبکہ مجموعی طور پر 90 لیٹر شراب برآمد ہوئی۔ برآمد شدہ منشیات کو قبضے میں لے کر قانونی کارروائی کا آغاز کر دیا گیا ہے۔
⚖️ پولیس نے تینوں ملزمان کے خلاف انسداد منشیات ایکٹ کے تحت مقدمات درج کر کے تفتیش شروع کر دی ہے، جبکہ مزید انکشافات اور نیٹ ورک تک رسائی کے لیے تحقیقات کا دائرہ وسیع کر دیا گیا ہے۔
👮♂️ ڈی پی او ہری پور شفیع اللہ گنڈاپور نے اس عزم کا اعادہ کیا ہے کہ ضلع بھر میں منشیات فروشوں کے خلاف بلا امتیاز کارروائیاں جاری رکھی جائیں گی۔ انہوں نے کہا کہ نوجوان نسل کو منشیات جیسی لعنت سے بچانے کے لیے پولیس ہر ممکن اقدامات کر رہی ہے اور کسی قسم کی رعایت نہیں برتی جائے گی۔
📢 شہریوں سے بھی اپیل کی گئی ہے کہ وہ اپنے اردگرد مشکوک سرگرمیوں کی اطلاع فوری طور پر پولیس کو دیں تاکہ معاشرے کو اس ناسور سے پاک کیا جا سکے۔
🚨 ہری پور میں منشیات فروشوں کے خلاف بڑا کریک ڈاؤن — 90 لیٹر شراب برآمد، 3 ملزمان گرفتار
21
