🚨 طورخم بارڈر دوبارہ کھل گیا — افغان مہاجرین کی واپسی کا عمل تیز 🚨

📍 طورخم بارڈر پر ایک مرتبہ پھر افغان مہاجرین کے لیے آمد و رفت بحال کر دی گئی ہے، جس کے بعد غیرقانونی افغان شہریوں کی وطن واپسی کا سلسلہ دوبارہ شروع ہو گیا ہے۔
ذرائع کے مطابق، ملک کے مختلف شہروں سے زیرِ حراست 11 افغان شہریوں کو حمزہ بابا ٹرانزٹ کیمپ منتقل کیا گیا، جہاں ضروری قانونی کارروائی مکمل کرنے کے بعد انہیں طورخم سرحد کے راستے افغانستان روانہ کر دیا گیا۔ بعد ازاں ان افراد کو افغان بارڈر حکام کے حوالے کر دیا گیا۔
حکام کا کہنا ہے کہ طورخم سرحد گزشتہ سال 12 اکتوبر سے ہر قسم کی تجارتی سرگرمیوں کے لیے بند تھی، جس سے دونوں ممالک کے درمیان تجارت بری طرح متاثر ہوئی۔ جبکہ حالیہ پاک افغان کشیدگی کے باعث 26 فروری 2026 سے افغان شہریوں کی واپسی کا عمل بھی معطل ہو گیا تھا۔
اب سرحد کی دوبارہ کھلنے سے نہ صرف افغان مہاجرین کی مرحلہ وار واپسی ممکن ہو گئی ہے بلکہ دونوں ممالک کے درمیان حالات میں بہتری کی امید بھی ظاہر کی جا رہی ہے۔
سیکیورٹی ذرائع کے مطابق، آئندہ دنوں میں مزید افغان شہریوں کو بھی قانونی طریقہ کار مکمل کرنے کے بعد طورخم کے راستے واپس بھیجا جائے گا، جبکہ اس عمل کو منظم اور محفوظ بنانے کے لیے اضافی اقدامات بھی کیے گئے ہیں۔