نیویارک میں امریکہ اور ایران کے درمیان اہم ملاقات، ٹرمپ نے تصدیق کر دی.

نیویارک – امریکی حکام کے مطابق امریکی صدر ڈونلڈ ٹرمپ کے خصوصی مندوب اسٹیو وٹکوف اور ان کے داماد جیرڈ کُشنر نے نیویارک میں ایرانی وزیر خارجہ عباس عراقچی سے ملاقات کی۔
صدر ٹرمپ نے بھی ملاقات کی تصدیق کرتے ہوئے کہا کہ بات چیت اچھی رہی اور ایران کے لیے بہتر ہے کہ کسی معاہدے تک پہنچا جائے۔
ان کا کہنا تھا کہ اسٹیو وٹکوف اور جیرڈ کُشنر کی ایرانی ثالثوں کے ساتھ اچھی ملاقات ہوئی، اب دیکھا جائے گا کہ مذاکرات میں کیا پیش رفت ہوتی ہے۔
ٹرمپ کے مطابق مستقبل قریب میں دونوں فریقوں کے درمیان ایک اور ملاقات بھی طے کی گئی ہے۔
دوسری جانب ایرانی میڈیا کے مطابق یہ ملاقات امریکی درخواست پر ہوئی۔ رپورٹ میں دعویٰ کیا گیا ہے کہ بات چیت میں آبنائے ہرمز کھولنے سے متعلق ایرانی شرائط بھی زیرِ بحث آئیں۔
ایرانی میڈیا کے مطابق آبنائے ہرمز کھولنے کے لیے ایران نے درج ذیل شرائط پیش کی ہیں:
· ناکہ بندی ختم کرنا
· ایرانی اثاثے جاری کرنا
· تمام محاذوں پر جنگ ختم کرنا
ڈس کلیمر: یہ مواد صرف معلوماتی اور خبری مقاصد کے لیے ہے۔ یہ دستیاب رپورٹس اور مذکورہ ذرائع سے حاصل کردہ معلومات پر مبنی ہے۔