ایبٹ آباد: ایبٹ آباد پولیس کی بروقت کارروائی :قبضہ مافیا کے 4 کارندے اسلحہ سمیت گرفتار۔
ایبٹ آباد (پریس ریلیز ڈی پی او آفس) ضلعی پولیس سربراہ ڈی پی او عمر طفیل (PSP) کی ہدایت پر تھانہ میرپور پولیس کی مؤثر کارروائی، ایس ایچ او اصغر خان کی قیادت میں قبضہ مافیا کے 4 افراد کو یونیورسٹی ٹاؤن جھنگی کے علاقے سے گرفتار کر لیا گیا۔
پولیس کے مطابق گرفتار ملزمان ارشاد ولد روشن دین سکنہ بانڈہ قاضی ، فیض الرحمن ولد شفیع محمد ، عالمزیب ولد فردوس ساکنان بانڈہ نبی ،کفایت اللہ ولد رشید سکنہ بانڈہ علی خان نے شہری کی زمین پر اسلحہ کی نوک پر قبضہ کرنے کی کوشش کی اور جان سے مارنے کی دھمکیاں دیں۔
گرفتاری کے دوران پولیس نے اسلحہ اور وقوعہ میں استعمال ہونے والی گاڑی برآمد کر لی۔ملزمان کے خلاف تھانہ میرپور میں مقدمہ زیر دفعات 447، 506(ii)، 148، 149 تعزیراتِ پاکستان درج کر لیا گیا ہے۔
ڈی پی او عمر طفیل نے کہا کہ زمینوں پر ناجائز قبضے کی کوشش کرنے والوں کے خلاف زیرو ٹالرنس پالیسی اپنائی گئی ہے، شہریوں کے جان و مال کے تحفظ کے لیے ہر ممکن اقدام جاری رہے گا۔
