ماجد حسین شاہ اور عمیر شاہ کی رہائی کے بعد انصاف سیکرٹریٹ مانسہرہ اور حجرہ امجد سلیم خان میں ان کی آمد کے موقع پر ایک پُرجوش اور پرتپاک استقبالیہ تقریب کا انعقاد کیا گیا۔
تقریب میں سپیکر صوبائی اسمبلی بابر سلیم سواتی اور صوبائی نائب صدر پاکستان تحریکِ انصاف خیبر پختونخوا کمال سلیم سواتی نے خصوصی طور پر شرکت کی اور دونوں رہنماؤں کا خیرمقدم کیا۔ اس موقع پر مقررین نے ماجد حسین شاہ اور عمیر شاہ کے حوصلے، استقامت اور جدوجہد کو سراہتے ہوئے کہا کہ ان کی ثابت قدمی کارکنان کے لیے مشعلِ راہ ہے۔
