ورلڈ کپ چیمپئن اسپین کی شاہی خاندان سے ملاقات، لامین یامال کا انوکھا انداز وائرل.

میڈرڈ (نیوز ڈیسک):
فیفا ورلڈ کپ 2026 جیتنے والی اسپین کی قومی فٹبال ٹیم نے ٹرافی پریڈ سے قبل شاہی محل زارزویلا پیلس میں ہسپانوی شاہی خاندان سے ملاقات کی، جہاں عالمی چیمپئن ٹیم کا پرتپاک استقبال کیا گیا۔
تقریب میں اسپین کے بادشاہ کنگ فیلیپ ششم، ملکہ لیتیزیا، ولی عہد پرنسس لیونور اور انفانٹا سوفیا نے کھلاڑیوں کو تاریخی کامیابی پر مبارکباد دی۔
اس موقع پر نوجوان فٹبال اسٹار لامین یامال نے روایتی مصافحے کے بجائے کنگ فیلیپ ششم کو گلے لگا لیا، جس کی ویڈیو سوشل میڈیا پر تیزی سے وائرل ہو گئی اور مداحوں کی توجہ کا مرکز بن گئی۔
شاہی خاندان سے ملاقات کے بعد اسپین کی قومی ٹیم ورلڈ کپ ٹرافی کے ہمراہ میڈرڈ کی سڑکوں پر منعقد ہونے والی فتح کی پریڈ میں شریک ہوئی، جہاں ہزاروں شائقین نے عالمی چیمپئنز کا شاندار استقبال کیا اور ان کی تاریخی کامیابی کا بھرپور جشن منایا۔