پولیس
مانسہرہ: رات گئے پولیس کا ہوٹلوں میں سرچ اینڈ انسپیکشن آپریشن، خلاف ورزیوں پر متعدد ہوٹل مالکان کے خلاف مقدمات درج
17-نومبر-2026 — Qazi Jawad
0 تبصرے
35 وزٹ
Read in English
مانسہرہ (خصوصی رپورٹ): ضلع مانسہرہ میں امن و امان کی صورتحال کو مزید بہتر بنانے، مشکوک افراد کی بروقت نشاندہی اور جرائم کی روک تھام کے لیے پولیس نے رات گئے ہوٹلوں کی چیکنگ اور سرچ اینڈ انسپیکشن آپریشن شروع کر دیا۔ کارروائی کے دوران مختلف ہوٹلوں کا معائنہ کیا گیا، جہاں قواعد و ضوابط کی خلاف ورزیوں پر متعلقہ ہوٹل مالکان کے خلاف مقدمات درج کر لیے گئے۔
تفصیلات کے مطابق ڈی پی او مانسہرہ محمد وقاص خان کے خصوصی احکامات پر ڈی ایس پی سرکل بالاکوٹ نے ایس ایچ او تھانہ بالاکوٹ اشعر مشتاق کے ہمراہ رات گئے مختلف ہوٹلوں کا دورہ کیا۔ اس دوران ہوٹلوں میں مقیم افراد کے کوائف، رہائشی ریکارڈ اور دیگر ضروری دستاویزات کی جانچ پڑتال کی گئی۔
پولیس حکام کے مطابق دورانِ چیکنگ متعدد ہوٹلوں میں قانونی تقاضوں کی خلاف ورزیاں سامنے آئیں، جن میں ہوٹلوں میں قیام کرنے والے افراد کا بروقت اندراج نہ کرنا، رہائشیوں کا مکمل ریکارڈ محفوظ نہ رکھنا اور سی سی ٹی وی کیمروں کی عدم تنصیب یا غیر فعال ہونا شامل تھا۔ ان خلاف ورزیوں پر متعلقہ ہوٹل مالکان کے خلاف مقدمات درج کرکے قانونی کارروائی شروع کر دی گئی۔
اس موقع پر ہوٹل مالکان کو سختی سے ہدایت کی گئی کہ وہ Hotel Eye Application کے ذریعے ہر رہائشی کا مکمل کوائف کے ساتھ بروقت اندراج یقینی بنائیں، تمام ریکارڈ دستیاب اور محفوظ رکھیں اور ہوٹلوں میں نصب سی سی ٹی وی کیمروں کو ہر وقت فعال حالت میں رکھیں۔
پولیس حکام کا کہنا ہے کہ سرچ اینڈ انسپیکشن آپریشنز کا بنیادی مقصد ہوٹلوں میں قیام پذیر مشکوک
افراد کی بروقت شناخت، جرائم پیشہ عناصر کی نقل و حرکت پر نظر رکھنا اور کسی بھی ناخوشگوار واقعے کی روک تھام کرنا ہے۔
ڈی پی او مانسہرہ کی ہدایات پر ضلع بھر میں ایسے اقدامات اور نگرانی کا سلسلہ جاری رکھا جائے گا تاکہ عوام کے جان و مال کا تحفظ یقینی بنایا جا سکے۔
تفصیلات کے مطابق ڈی پی او مانسہرہ محمد وقاص خان کے خصوصی احکامات پر ڈی ایس پی سرکل بالاکوٹ نے ایس ایچ او تھانہ بالاکوٹ اشعر مشتاق کے ہمراہ رات گئے مختلف ہوٹلوں کا دورہ کیا۔ اس دوران ہوٹلوں میں مقیم افراد کے کوائف، رہائشی ریکارڈ اور دیگر ضروری دستاویزات کی جانچ پڑتال کی گئی۔
پولیس حکام کے مطابق دورانِ چیکنگ متعدد ہوٹلوں میں قانونی تقاضوں کی خلاف ورزیاں سامنے آئیں، جن میں ہوٹلوں میں قیام کرنے والے افراد کا بروقت اندراج نہ کرنا، رہائشیوں کا مکمل ریکارڈ محفوظ نہ رکھنا اور سی سی ٹی وی کیمروں کی عدم تنصیب یا غیر فعال ہونا شامل تھا۔ ان خلاف ورزیوں پر متعلقہ ہوٹل مالکان کے خلاف مقدمات درج کرکے قانونی کارروائی شروع کر دی گئی۔
اس موقع پر ہوٹل مالکان کو سختی سے ہدایت کی گئی کہ وہ Hotel Eye Application کے ذریعے ہر رہائشی کا مکمل کوائف کے ساتھ بروقت اندراج یقینی بنائیں، تمام ریکارڈ دستیاب اور محفوظ رکھیں اور ہوٹلوں میں نصب سی سی ٹی وی کیمروں کو ہر وقت فعال حالت میں رکھیں۔
پولیس حکام کا کہنا ہے کہ سرچ اینڈ انسپیکشن آپریشنز کا بنیادی مقصد ہوٹلوں میں قیام پذیر مشکوک
افراد کی بروقت شناخت، جرائم پیشہ عناصر کی نقل و حرکت پر نظر رکھنا اور کسی بھی ناخوشگوار واقعے کی روک تھام کرنا ہے۔
ڈی پی او مانسہرہ کی ہدایات پر ضلع بھر میں ایسے اقدامات اور نگرانی کا سلسلہ جاری رکھا جائے گا تاکہ عوام کے جان و مال کا تحفظ یقینی بنایا جا سکے۔
تبصرے (0)
ابھی کوئی تبصرہ موجود نہیں — پہلا تبصرہ آپ کریں۔
تبصرہ کریں