پولیس
.تھانہ بٹل پولیس کی بڑی کامیابی، دو اندھے قتلوں کا سراغ، 6 ملزمان گرفتار
19-نومبر-2026 — Qazi Jawad
0 تبصرے
24 وزٹ
Read in English
مانسہرہ: تھانہ بٹل پولیس نے دو الگ الگ اندھے قتلوں کے مقدمات ٹریس کرتے ہوئے ایک خاتون سمیت مجموعی طور پر 6 ملزمان کو گرفتار کر لیا۔ ایس پی سٹی مانسہرہ شاہنواز خان نے پریس کانفرنس کے دوران میڈیا کو دونوں مقدمات کی تفتیش اور گرفتاریوں سے متعلق تفصیلات سے آگاہ کیا۔
ڈی پی او مانسہرہ محمد وقاص خان کی ہدایات پر تھانہ بٹل پولیس نے پیشہ ورانہ تفتیش اور جدید تحقیق کے ذریعے دونوں واقعات کے مقدمات ٹریس کیے۔
وقار الحسن قتل کیس:
پولیس کے مطابق جلیل آباد کے رہائشی وقار الحسن کو 11 نومبر کی شب فائرنگ کرکے قتل کیا گیا تھا۔ واقعے کی تفتیش کے دوران پولیس نے دو ملزمان محمد زبیر اور عرفان احمد کو گرفتار کر لیا۔
پولیس کے مطابق دورانِ تفتیش ملزمان نے انکشاف کیا کہ ان کی بٹل کے رہائشی شفیع نامی شخص کے ساتھ پرانی دشمنی تھی اور وہ اسے ڈرانے دھمکانے کے لیے جا رہے تھے۔ اس دوران مقتول وقار الحسن نے انہیں دیکھ لیا اور ان کا تعاقب کیا، جس پر فائرنگ کی گئی۔ پولیس نے کارروائی کے دوران مبینہ طور پر واردات میں استعمال ہونے والا 30 بور پستول بھی برآمد کر لیا۔
ساجد قتل کیس:
پولیس کے مطابق کھن پائین کے رہائشی ساجد کو اکتوبر میں قتل کرنے کے بعد اس کی لاش پہاڑی سے نیچے پھینک دی گئی تھی۔ اس مقدمے کی تفتیش کے دوران ایک خاتون سمیت چار ملزمان، مسماۃ (ا) بی بی، محمد فیاض، محمد عارف اور عبدالوحید کو گرفتار کیا گیا۔
پولیس کا کہنا ہے کہ گرفتار ملزم عبدالوحید کے انکشاف پر قتل میں استعمال ہونے والا مبینہ پھندہ بھی برآمد کر لیا گیا ہے۔
پولیس کے مطابق دونوں مقدمات میں مجموعی طور پر 6 ملزمان گرفتار کیے گئے ہیں اور مزید قانونی کارروائی جاری ہے، جبکہ ساجد قتل کیس کے گرفتار ملزمان کو جوڈیشل ریمانڈ پر جیل منتقل کر دیا گیا ہے۔
مانسہرہ پولیس کا کہنا ہے کہ عوام کے جان و مال کا تحفظ اور جرائم پیشہ عناصر کو قانون کے کٹہرے میں لانا پولیس کی اولین ترجیح ہے۔
ڈی پی او مانسہرہ محمد وقاص خان کی ہدایات پر تھانہ بٹل پولیس نے پیشہ ورانہ تفتیش اور جدید تحقیق کے ذریعے دونوں واقعات کے مقدمات ٹریس کیے۔
وقار الحسن قتل کیس:
پولیس کے مطابق جلیل آباد کے رہائشی وقار الحسن کو 11 نومبر کی شب فائرنگ کرکے قتل کیا گیا تھا۔ واقعے کی تفتیش کے دوران پولیس نے دو ملزمان محمد زبیر اور عرفان احمد کو گرفتار کر لیا۔
پولیس کے مطابق دورانِ تفتیش ملزمان نے انکشاف کیا کہ ان کی بٹل کے رہائشی شفیع نامی شخص کے ساتھ پرانی دشمنی تھی اور وہ اسے ڈرانے دھمکانے کے لیے جا رہے تھے۔ اس دوران مقتول وقار الحسن نے انہیں دیکھ لیا اور ان کا تعاقب کیا، جس پر فائرنگ کی گئی۔ پولیس نے کارروائی کے دوران مبینہ طور پر واردات میں استعمال ہونے والا 30 بور پستول بھی برآمد کر لیا۔
ساجد قتل کیس:
پولیس کے مطابق کھن پائین کے رہائشی ساجد کو اکتوبر میں قتل کرنے کے بعد اس کی لاش پہاڑی سے نیچے پھینک دی گئی تھی۔ اس مقدمے کی تفتیش کے دوران ایک خاتون سمیت چار ملزمان، مسماۃ (ا) بی بی، محمد فیاض، محمد عارف اور عبدالوحید کو گرفتار کیا گیا۔
پولیس کا کہنا ہے کہ گرفتار ملزم عبدالوحید کے انکشاف پر قتل میں استعمال ہونے والا مبینہ پھندہ بھی برآمد کر لیا گیا ہے۔
پولیس کے مطابق دونوں مقدمات میں مجموعی طور پر 6 ملزمان گرفتار کیے گئے ہیں اور مزید قانونی کارروائی جاری ہے، جبکہ ساجد قتل کیس کے گرفتار ملزمان کو جوڈیشل ریمانڈ پر جیل منتقل کر دیا گیا ہے۔
مانسہرہ پولیس کا کہنا ہے کہ عوام کے جان و مال کا تحفظ اور جرائم پیشہ عناصر کو قانون کے کٹہرے میں لانا پولیس کی اولین ترجیح ہے۔
تبصرے (0)
ابھی کوئی تبصرہ موجود نہیں — پہلا تبصرہ آپ کریں۔
تبصرہ کریں