🚨 شاہراہ قراقرم پر شدید لینڈ سلائیڈنگ — لوئر کوہستان میں ایمرجنسی صورتحال.

📍 لوئر کوہستان (دوبیر) میں شدید طوفانی بارش کے باعث شاہراہ قراقرم کے مختلف مقامات پر خطرناک لینڈ سلائیڈنگ کے واقعات پیش آئے، جس کے نتیجے میں ٹریفک کا نظام مکمل طور پر درہم برہم ہوگیا۔
🌧️ مسلسل موسلا دھار بارش کے باعث پہاڑی تودے اچانک سڑک پر آگرے، جس سے کئی گاڑیاں ملبے تلے دب گئیں جبکہ متعدد گاڑیوں کو شدید نقصان پہنچا۔ مسافروں میں شدید خوف و ہراس پھیل گیا اور کئی افراد گاڑیوں میں محصور ہو کر رہ گئے۔
💔 افسوسناک واقعے میں ایک ٹرک ڈرائیور گل بادشاہ (سکنہ مردان) دل کا دورہ پڑنے کے باعث جان کی بازی ہار گیا۔ ریسکیو ذرائع کے مطابق شدید دباؤ اور خوفناک صورتحال اس کی موت کی ممکنہ وجہ بنی۔
⚠️ اس کے علاوہ لینڈ سلائیڈنگ کے دوران پتھر لگنے سے کم از کم تین افراد زخمی ہوئے جنہیں فوری طور پر طبی امداد فراہم کی گئی۔
🚑 پولیس، ریسکیو ٹیموں اور مقامی افراد نے بروقت کارروائی کرتے ہوئے زخمیوں اور جاں بحق شخص کی میت کو الشفا ہسپتال دوبیر منتقل کردیا۔
🏪 ادھر بازار دوبیر میں بھی لینڈ سلائیڈنگ کے باعث چار دکانیں ملبے تلے دب گئیں جس سے تاجروں کو بھاری مالی نقصان کا سامنا کرنا پڑا۔
🚧 ضلعی انتظامیہ اور متعلقہ ادارے سڑک کی بحالی اور ملبہ ہٹانے کے لیے مشینری کے ساتھ موقع پر موجود ہیں، جبکہ شہریوں کو غیر ضروری سفر سے گریز کی ہدایت کی گئی ہے۔




⚠️ ماہرین کے مطابق مزید بارشوں کی صورت میں لینڈ سلائیڈنگ کا خطرہ برقرار ہے، لہٰذا مسافروں کو احتیاط برتنے اور سفری ہدایات پر عمل کرنے کی تاکید کی گئی ہے۔