🚨 گوجرانوالہ: اجتماعی زیادتی کا افسوسناک واقعہ، تمام ملزمان گرفتار.

کرائم رپورٹر
گوجرانوالہ کے علاقے لدھیوالہ وڑائچ میں ایک نہایت افسوسناک واقعہ پیش آیا جہاں 29 سالہ لڑکی کے ساتھ مبینہ طور پر اجتماعی زیادتی کی گئی۔ پولیس نے فوری کارروائی کرتے ہوئے تمام نامزد ملزمان کو گرفتار کر لیا ہے۔
🔹 واقعے کی تفصیلات
متاثرہ لڑکی (الف)، جو موبائل سم فروخت کرنے کا کام کرتی ہے، اپنے ساتھی ورکر زین کے ہمراہ گھر واپس جا رہی تھی کہ راستے میں ملزمان نے انہیں روک لیا۔ ایف آئی آر کے مطابق پانچ ملزمان — عثمان، نبی احمد، نزاکت، ابرار اور سیف — لڑکی کو قریبی کھیتوں میں لے گئے جہاں مبینہ طور پر زیادتی کی گئی، جبکہ چھٹا ملزم ذکاء اللہ موقع پر موجود رہا۔
🔹 پولیس کارروائی
پولیس نے متاثرہ کی مدعیت میں مقدمہ درج کرکے فوری ایکشن لیا اور تمام ملزمان کو گرفتار کر لیا۔ ڈی ایس پی رمضان کمبوہ کے مطابق ملزمان کے خلاف قانون کے مطابق سخت کارروائی جاری ہے۔