کڑمنگ بالا کے مقام پر گلگت کی جانب جانے والا آئل ٹینکر سڑک کنارے بے قابو ہو کر الٹ گیا، جس کے نتیجے میں ڈرائیور زخمی ہو گیا۔
ابتدائی معلومات کے مطابق حادثہ ٹینکر کے کنٹرول سے باہر ہونے کے باعث پیش آیا۔ زخمی ڈرائیور کی شناخت جلال کے نام سے ہوئی ہے۔
حادثے کے فوراً بعد مقامی افراد نے امدادی کارروائیاں کرتے ہوئے زخمی ڈرائیور کو ابتدائی طبی امداد کے لیے قریبی ہسپتال منتقل کیا۔
ریسکیو ذرائع کے مطابق خوش قسمتی سے ٹینکر میں کسی قسم کی آگ نہیں لگی، تاہم ممکنہ خطرے کے پیش نظر ریسکیو ٹیمیں فوری طور پر موقع پر پہنچ گئیں اور علاقے کو محفوظ بنا دیا گیا۔
حکام کے مطابق ریکوری آپریشن مکمل ہونے تک ٹریفک کی روانی متاثر رہی، تاہم صورتحال کو کنٹرول میں رکھنے کے لیے متعلقہ ادارے موقع پر موجود رہے
کڑمنگ بالا میں آئل ٹینکر حادثہ
ڈرائیور زخمی، ہسپتال منتقل
ٹینکر میں آگ نہیں لگی
ریسکیو ٹیمیں موقع پر پہنچ گئیں
ٹریفک جزوی طور پر متاثر
