ہزارے وال قوم دا اعزاز — رافعہ بانو جی نوں تمغۂ امتیاز.

ہزارے دی کوئل محترمہ رافعہ بانو پاکستان دے اعلیٰ سول ایوارڈ لئی منتخب، سنیہا ٹی وی تے پوری فنکار برادری ولوں مبارکباد
مانسہرہ / ایبٹ آباد – ہزارے دی مشہور تے نامور گلوکارہ محترمہ رافعہ بانو جی نوں پاکستان دے اعلیٰ سول ایوارڈ تمغۂ امتیاز لئی منتخب کر لیا گیا اے۔ ایہ ہزارے دی پوری قوم لئی وڈا اعزاز تے فخر دا موقع اے۔
رافعہ بانو جی نوں ہزارے دی “من ترمنی دی گلوکارہ” تے “ہزارے دی کوئل” دے ناں نال جانیا جاندا اے۔ اوہناں دی آواز نے نہ صرف ہزارے بلکہ پورے پاکستان وچ دھوم مچائی اے تے اوہناں نے اپنی فنکاری نال ہزارے وال قوم دا ناں روشن کیتا اے۔
مبارکباد دا اظہار
سنیہا ٹی وی دی طرفوں تے ہزارے دی ساری فنکار برادری تے پوری ہزارے وال قوم دی طرفوں رافعہ بانو جی نوں لکھ لکھ مبارخاں پیش کیتیاں گئیاں۔
فنکار برادری دا کہنا اے کہ رافعہ بانو جی دا ایہ اعزاز پوری ہزارے دی فنکار برادری لئی مشعل راہ اے تے ایہ ثابت کردا اے کے ہزارے دے فنکاراں نوں وی ملکی سطح تے پہچان مل رہی اے۔
رافعہ بانو جی دا فن
رافعہ بانو جی نے اپنی مٹھی تے جادوئی آواز نال ہزارے دی ثقافت تے موسیقی نوں پوری دنیا وچ متعارف کرایا اے۔ اوہناں دی گائیکی وچ ہزارے دی مٹی دی خوشبو تے محبت جھلکدی اے، ایس لئی اوہناں نوں ہزارے دی “کوئل” دا خطاب دتا جاندا اے۔
تمغۂ امتیاز دے حصول تے رافعہ بانو جی دا کہنا سی کہ:
“ایہ اعزاز پوری ہزارے وال قوم دا اے، میں نے جو کجھ وی حاصل کیتا اے، ایہ سب میرے لوکاں دی دعاواں تے محبت دی وجہ توں اے۔”