ایبٹ آباد: کریانہ سٹور میں نقب زنی کے دوران 27 ہزار روپے اور سامان چوری کرنے والا ملزم گرفتار.

ایبٹ آباد – سٹی پولیس کے اے ایس آئی قاسم خان نے کارروائی کرتے ہوئے کمہار بانڈی کریانہ سٹور میں رات کی تاریکی میں نقب زنی کے دوران 27 ہزار روپے نقدی سمیت بھاری مقدار میں کریانہ کا سامان چوری کرنے والے ملزم کو گرفتار کر لیا۔
گرفتار ملزم مزمل اسلام ولد کالا خان ہے، جس کا تعلق علاقہ بودلہ سے بتایا گیا ہے۔ پولیس کے مطابق ملزم نے رات کے اندھیرے میں کریانہ سٹور میں نقب زنی کی اور نقدی کے علاوہ بھاری مقدار میں کریانہ کا سامان چوری کیا۔
اے ایس آئی قاسم خان نے اپنی ٹیم کے ہمراہ بروقت کارروائی کرتے ہوئے ملزم کو گرفتار کر لیا۔ پولیس نے ملزم کے قبضے سے چوری شدہ 27 ہزار روپے نقدی اور دیگر سامان برآمد کر لیا۔
گرفتار ملزم کے خلاف مقدمہ درج کر کے مزید تفتیش شروع کر دی گئی ہے۔ پولیس کا کہنا ہے کہ ملزم سے تفتیش کے دوران چوری کے دیگر واقعات کے بارے میں بھی معلومات حاصل کی جائیں گی۔
پولیس شہریوں کے جان و مال کے تحفظ کے لیے پرعزم ہے اور جرائم پیشہ عناصر کے خلاف کارروائی جاری رکھے گی۔