پشاور: تھانہ چمکنی میں پولیس مقابلہ، 90 لاکھ روپے کے خونی ڈکیتی میں مطلوب ملزم سلمان عرف کٹو ہلاک

پشاور – تھانہ چمکنی کی حدود میں پولیس مقابلے کے دوران 90 لاکھ روپے کی خونی راہزنی میں مطلوب ملزم سلمان عرف کٹو ہلاک ہوگیا۔
پولیس کے مطابق ملزم نے 15 اگست کو فروٹ منڈی کے قریب مویشیوں کے بیوپاری محمد انور کو قتل کرکے 90 لاکھ روپے لوٹے تھے۔
پولیس کو ملزم کے ٹھکانے کی اطلاع ملی تو پولیس ٹیم نے موقع پر چھاپہ مارا۔ ملزم نے پولیس کو دیکھتے ہی فائرنگ شروع کر دی، جس کے جواب میں پولیس نے جوابی فائرنگ کی جس کے نتیجے میں ملزم سلمان عرف کٹو ہلاک ہوگیا۔
پولیس کا کہنا ہے کہ ملزم کے خلاف مزید تفتیش جاری ہے اور واقعے میں استعمال ہونے والے اسلحہ اور لوٹی گئی رقم کے بارے میں معلومات حاصل کی جا رہی ہیں۔ پولیس نے ہلاک شدہ ملزم کی شناخت کی تصدیق کر لی ہے اور قانونی کارروائی جاری ہے۔
پولیس کا کہنا ہے کہ شہریوں کی جان و مال کے تحفظ کے لیے یہ کارروائیاں جاری رہیں گی۔`