اوگی: گرینائٹ پتھروں سے لدی گاڑی حادثہ کا شکار، پتھر گھر پر گرنے سے دو بچیاں شدید زخمی

اوگی – کیول کے مقام پر گرینائٹ پتھروں سے لدی ایک گاڑی حادثہ کا شکار ہوگئی، جس کے نتیجے میں پتھر ایک گھر پر گر گئے اور دو بچیاں شدید زخمی ہوگئیں۔
ذرائع کے مطابق، گاڑی چغبٹ مائن سے پتھر لاد کر آرہی تھی کہ کیول کے مقام پر حادثہ کا شکار ہوگئی۔ حادثے کے بعد گاڑی سے پتھر گر کر ایک مکان پر آ گئے، جس کے نتیجے میں گھر میں موجود دو بچیاں شدید زخمی ہوگئیں۔
زخمی بچیاں
زخمی بچیوں کی شناخت درج ذیل ہے:
· سمیرا – ولد فضل وہاب
· سمیہ – ولد فضل وہاب
دونوں بچیوں کو تشویشناک حالت میں ہسپتال منتقل کر دیا گیا ہے، جہاں ان کا علاج جاری ہے۔
پولیس کے مطابق حادثے کے بعد گاڑی کا ڈرائیور موقع سے فرار ہوگیا۔ پولیس نے ڈرائیور کی تلاش شروع کر دی ہے اور واقعے کی مزید تحقیقات جاری ہیں۔