مانسہرہ : خیبرپختونخوا میں افغان مہاجر کیمپس کے خاتمے کے بعد غیر قانونی طور پر مقیم افغان شہریوں کے خلاف آپریشن میں تیزی آ گئی ہے۔
سرکاری اعداد و شمار کے مطابق، اکتوبر کے دوران 67,601 افغان شہریوں کو ملک بدر کیا گیا، جن میں سے صرف 19 اکتوبر کو 2,056 افراد اپنی سرزمین واپس بھیجے گئے۔ ملک بدر کیے جانے والوں میں 219 پی او آر (Proof of Registration) کارڈ ہولڈرز بھی شامل تھے۔
اعداد و شمار کے مطابق، اب تک کل 1,413,906 افغان شہری پاکستان سے واپس جا چکے ہیں۔ ان میں 163,253 پی او آر کارڈ ہولڈرز اور 80,000 اے سی سی (Afghan Citizen Card) ہولڈرز شامل ہیں۔
سرکاری ذرائع نے بتایا کہ حکومت کی ہدایت پر جاری آپریشن کے دوران رجسٹرڈ اور غیر رجسٹرڈ افغان شہریوں کی مرحلہ وار واپسی کا عمل جاری ہے، جبکہ غیر قانونی قیام کرنے والے افراد کے خلاف کارروائیاں مزید تیز کر دی گئی ہیں۔
