مانسہرہ : ڈی پی او مانسہرہ محمد اظہر خان نے فراڈ اور دھوکہ دہی کے ذریعے شہریوں کو اُن کی جمع پونجی سے محروم کرنے والے نوسربازوں کے خلاف موصول ہونے والی پچھلی تمام پینڈنگ درخواستوں پر فورا مقدمات درج کرکے متاثرہ لوگوں کو ریلیف فراہم کرنےکے لئیے تمام ایس ایچ اوز کو احکامات جاری کر دئیے۔
ڈی پی او مانسہرہ نے کہا ہے کہ عوام کے جان و مال اور عزت و آبروکا تحفظ پولیس کی اولین ذمہ داری ہے۔
شہریوں کے ساتھ کسی بھی قسم کے مالی فراڈ، جعلسازی یا دھوکہ دہی کو ہرگز برداشت نہیں کیا جائے گا۔
تمام ایس ایچ اوز کو ہدایت کی گئی ہے کہ شکایات موصول ہوتے ہی کارروائی کرتے ہوئے ملوث افراد کو قانون کے کٹہرے میں لایا جائے۔
