ایبٹ آباد کے شہریوں نے شکایت کی ہے کہ الائیڈ بینک کالج روڈ منڈیاں کا اے ٹی ایم مسلسل خرابی کا شکار رہتا ہے۔ شہریوں کا کہنا ہے کہ یہ اے ٹی ایم اکثر بند رہتا ہے، اور اگر کبھی چل بھی جائے تو ہنگامی ضرورت میں پیسے نکالنے والا صارف شدید پریشانی میں مبتلا ہو جاتا ہے۔
شہریوں کے مطابق کارڈ مشین میں ڈالتے ہی اے ٹی ایم فوراً کارڈ کو کیپچر کر لیتا ہے، جبکہ اس وقت بینک بھی بند ہوتا ہے، جس کے باعث متاثرہ شخص پورا دن وہیں پھنسا رہتا ہے اور نہ پیسے ملتے ہیں نہ کارڈ۔
عوام نے مطالبہ کیا ہے کہ بینک انتظامیہ فوری طور پر اس اے ٹی ایم کی درستگی اور باقاعدہ مانیٹرنگ یقینی بنائے تاکہ شہریوں کو بار بار ہونے والی اس تکلیف سے نجات مل سکے۔
