چکیاہ مانسہرہ میں غیرت کے نام پر مرد اور لڑکی قتل، ملزمان گرفتار

مانسہرہ: تھانہ صدر کی حدود چکیاہ میں غیرت کے نام پر ایک مرد اور لڑکی کو قتل کیے جانے کا واقعہ پیش آیا، جس کے بعد پولیس نے کارروائی کرتے ہوئے مبینہ طور پر ملوث ملزمان کو گرفتار کرلیا۔
ذرائع کے مطابق مقتول مرد کا تعلق شملائی، ضلع بٹگرام سے بتایا جاتا ہے، جبکہ دونوں افراد مانسہرہ کے علاقے سفیدہ میں مقیم تھے، جو تھانہ سٹی کی حدود میں آتا ہے۔
واقعہ تھانہ صدر کی حدود چکیاہ میں پیش آیا۔ اطلاع ملنے پر پولیس نے کارروائی کرتے ہوئے ملزمان کو گرفتار کرلیا، جبکہ واقعے کی مزید تفتیش جاری ہے۔
پولیس کی جانب سے واقعے کے محرکات، مقتولین کی شناخت اور گرفتار ملزمان کے حوالے سے مزید تفصیلات سامنے آنا باقی ہیں۔
نوٹ: غیرت کے نام پر قتل سے متعلق ابتدائی معلومات کی مزید قانونی و تفتیشی تصدیق جاری ہے، جبکہ واقعے کے مکمل حقائق تحقیقات کے بعد سامنے آئیں گے۔