فیفا ورلڈ کپ 2026ء: لیونل میسی کے نام ایک اور مگر ناپسندیدہ گنیز ورلڈ ریکارڈ.

ارجنٹینا کے اسٹار فٹبالر لیونل میسی نے ایک بار پھر فیفا ورلڈ کپ کی تاریخ میں اپنا نام درج کرا دیا، تاہم اس بار یہ ریکارڈ ان کے لیے خوشگوار ثابت نہیں ہوا۔
فیفا ورلڈ کپ 2026ء کے پری کوارٹر فائنل (راؤنڈ آف 16) میں ارجنٹینا اور مصر کے درمیان میچ کے دوران میسی نے اپنے کیریئر کی چوتھی ورلڈ کپ پنالٹی (شوٹ آؤٹ کے علاوہ) ضائع کر دی، جس کے بعد وہ ورلڈ کپ کی تاریخ میں سب سے زیادہ پنالٹیز مس کرنے والے کھلاڑی بن گئے۔
ارجنٹینا ایک گول کے خسارے میں تھا جب اسے برابری کا بہترین موقع ملا، تاہم میسی کی دائیں جانب ماری گئی پنالٹی کو مصر کے گول کیپر نے شاندار انداز میں روک لیا۔
یہ جاری ورلڈ کپ میں میسی کی دوسری جبکہ مجموعی طور پر چوتھی ضائع شدہ پنالٹی تھی۔ اس سے قبل وہ 2018ء میں آئس لینڈ، 2022ء میں پولینڈ اور رواں ٹورنامنٹ کے گروپ مرحلے میں آسٹریا کے خلاف بھی پنالٹی گنوا چکے ہیں۔
اگرچہ پنالٹی ضائع ہونے کے باوجود میسی نے شاندار کم بیک کرتے ہوئے ایک گول اسکور کیا اور اپنی ٹیم کی فتح میں اہم کردار ادا کیا۔ اس گول کے ساتھ ورلڈ کپ میں ان کے مجموعی گولز کی تعداد 21 ہو گئی، جو انہیں ٹورنامنٹ کی تاریخ کا ہمہ وقت بہترین گول اسکورر بناتی ہے۔
گنیز ورلڈ ریکارڈ نے سوشل میڈیا پلیٹ فارم ایکس (X) پر اس ریکارڈ کی تصدیق کرتے ہوئے بتایا کہ میسی اب ورلڈ کپ کی تاریخ میں سب سے زیادہ 4 پنالٹیز ضائع کرنے والے کھلاڑی ہیں، جبکہ کسی بھی دوسرے کھلاڑی نے دو سے زیادہ پنالٹیز مس نہیں کیں۔