ڈی پی او مانسہرہ اظہر خان کے احکامات پر اور ایس ایس پی ٹریفک مانسہرہ شہزادی نوشاد گیلانی کی ہدایات کے تحت انچارج ٹریفک انسپکٹر آنس خان نے ہفتہ وار مویشی منڈی سمیت شہر کے مختلف اہم ٹریفک پوائنٹس کا دورہ کیا۔
دورے کے دوران ٹاؤن شپ، فوڈ ہٹ، کے کے ایچ، لاری اڈہ، کالج چوراہا اور ہفتہ وار مویشی منڈی میں ٹریفک صورتحال کا جائزہ لیا گیا۔ اس موقع پر موجود ٹریفک عملے کو سڑکوں اور فٹ پاتھوں کو کلیئر رکھنے کی سخت ہدایات جاری کی گئیں تاکہ ٹریفک کی روانی میں کسی قسم کی رکاوٹ پیدا نہ ہو۔
انچارج ٹریفک انسپکٹر آنس خان نے ہفتہ وار مویشی منڈی میں تعینات ٹریفک سٹاف کو ہدایات دیتے ہوئے کہا کہ دور دراز علاقوں سے آنے والے شہریوں کو مکمل سہولیات فراہم کی جائیں، منڈی اور اطراف کی سڑکوں پر ٹریفک کے بہاؤ کو برقرار رکھا جائے اور روڈ کلیئرنس کو ہر صورت یقینی بنایا جائے۔
دورے کا مقصد عوامی سہولیات کی فراہمی، ٹریفک کے مؤثر انتظامات اور مجموعی صورتحال کا جائزہ لینا تھا۔
