مانسہرہ: نالے میں بہہ جانے والی بچی کی نعش بھیرکنڈ ڈولی سے برآمد

مانسہرہ – گزشتہ روز اکبر خان روڈ سے نالے میں بہہ جانے والی بچی کی نعش بھیرکنڈ ڈولی سے مل گئی ہے۔
واقعے کی تفصیلات
گزشتہ روز ماں اور بیٹی اکبر خان روڈ پر شدید بارش کے دوران برساتی پانی میں بہہ گئی تھیں۔ بعد ازاں ماں کی نعش لاری اڈہ کے قریب سے مل گئی تھی، جبکہ بچی کی تلاش جاری تھی۔
نعش کی برآمدگی
ریسکیو 1122 کے مطابق بچی کی نعش بھیرکنڈ سے ملی ہے۔ ریسکیو کی ٹیم نے بچی کی لاش کو ریکور کر کے ضروری کارروائی کے بعد ریسکیو 1122 کی ایمبولینس کے ذریعے کنگ عبداللہ ہسپتال مانسہرہ منتقل کر دیا۔
دعا
اللہ تعالیٰ مرحومہ کے درجات بلند فرمائے اور لواحقین کو صبرِ جمیل عطا فرمائے۔ آمین۔