.بٹگرام: جنگل کی ملکیت کے دیرینہ تنازع پر دو قبائل میں مسلح تصادم، 7 افراد جاں بحق، 4 زخمی
21-نومبر-2026 — Qazi Jawad
0 تبصرے
36 وزٹ
Read in English
خیبرپختونخوا کے ضلع بٹگرام کی تحصیل آلائی میں جنگل کی ملکیت کے دیرینہ تنازع پر دو قبائل کے درمیان مسلح تصادم کے نتیجے میں 7 افراد جاں بحق جبکہ 4 زخمی ہوگئے۔
پولیس کے مطابق گزشتہ شب تقریباً 10 بجے تحصیل آلائی کے علاقے بلیجہ جنگل میں آلائی کی قوم گیلال اور ضلع کوہستان کی قوم کلوچ کے مسلح افراد آمنے سامنے آگئے، جہاں دونوں جانب سے شدید فائرنگ کا تبادلہ ہوا۔
پولیس حکام کے مطابق فائرنگ کے نتیجے میں قوم گیلال کے 4 جبکہ قوم کلوچ کے 3 افراد جاں بحق ہوگئے۔ ڈی پی او بٹگرام قمر حیات خان نے واقعے میں 4 افراد کے زخمی ہونے کی بھی تصدیق کی ہے۔ جاں بحق افراد کی لاشوں اور زخمیوں کو ڈسٹرکٹ ہیڈ کوارٹر ہسپتال منتقل کردیا گیا۔
واضح رہے کہ بلیجہ جنگل کی ملکیت کا تنازع دونوں قبائل کے درمیان کئی دہائیوں سے چلا آرہا ہے، جس کے باعث ماضی میں بھی متعدد قیمتی جانیں ضائع ہو چکی ہیں۔ دونوں اضلاع کی انتظامیہ کی جانب سے تنازع کے حل اور قبائل کے درمیان مصالحت کے لیے مختلف اوقات میں کوششیں کی گئیں، تاہم کوئی مستقل حل سامنے نہیں آسکا۔
تازہ مسلح تصادم کے بعد علاقے میں کشیدگی پائی جاتی ہے۔ مقامی عوامی و سماجی حلقوں نے صوبائی حکومت سے مطالبہ کیا ہے کہ واقعے کا فوری نوٹس لیتے ہوئے اس دیرینہ تنازع کا مستقل حل نکالا جائے تاکہ علاقے میں پائیدار امن قائم ہو اور مزید جانی نقصان سے بچا جا سکے۔
پولیس کے مطابق گزشتہ شب تقریباً 10 بجے تحصیل آلائی کے علاقے بلیجہ جنگل میں آلائی کی قوم گیلال اور ضلع کوہستان کی قوم کلوچ کے مسلح افراد آمنے سامنے آگئے، جہاں دونوں جانب سے شدید فائرنگ کا تبادلہ ہوا۔
پولیس حکام کے مطابق فائرنگ کے نتیجے میں قوم گیلال کے 4 جبکہ قوم کلوچ کے 3 افراد جاں بحق ہوگئے۔ ڈی پی او بٹگرام قمر حیات خان نے واقعے میں 4 افراد کے زخمی ہونے کی بھی تصدیق کی ہے۔ جاں بحق افراد کی لاشوں اور زخمیوں کو ڈسٹرکٹ ہیڈ کوارٹر ہسپتال منتقل کردیا گیا۔
واضح رہے کہ بلیجہ جنگل کی ملکیت کا تنازع دونوں قبائل کے درمیان کئی دہائیوں سے چلا آرہا ہے، جس کے باعث ماضی میں بھی متعدد قیمتی جانیں ضائع ہو چکی ہیں۔ دونوں اضلاع کی انتظامیہ کی جانب سے تنازع کے حل اور قبائل کے درمیان مصالحت کے لیے مختلف اوقات میں کوششیں کی گئیں، تاہم کوئی مستقل حل سامنے نہیں آسکا۔
تازہ مسلح تصادم کے بعد علاقے میں کشیدگی پائی جاتی ہے۔ مقامی عوامی و سماجی حلقوں نے صوبائی حکومت سے مطالبہ کیا ہے کہ واقعے کا فوری نوٹس لیتے ہوئے اس دیرینہ تنازع کا مستقل حل نکالا جائے تاکہ علاقے میں پائیدار امن قائم ہو اور مزید جانی نقصان سے بچا جا سکے۔
تبصرے (0)
ابھی کوئی تبصرہ موجود نہیں — پہلا تبصرہ آپ کریں۔
تبصرہ کریں