محسن نقوی کا سینیٹ میں انکشاف: "سہیل آفریدی نے طے شدہ ڈرافٹ مراد سعید کو بھیجا"

محسن نقوی کا سینیٹ میں انکشاف: "سہیل آفریدی نے طے شدہ ڈرافٹ مراد سعید کو بھیجا"
اسلام آباد – وفاقی وزیر داخلہ سینیٹر محسن نقوی نے سینیٹ اجلاس میں اہم انکشافات کرتے ہوئے کہا ہے کہ پی ٹی آئی کے کچھ لوگوں کا براہ راست طالبان سے تعلق ہے، اور خیبرپختونخوا میں ایمرجنسی لگانے کا فیصلہ آسان نہیں تھا۔
طالبان سے تعلق کے الزامات
سینیٹ اجلاس سے خطاب کرتے ہوئے محسن نقوی نے کہا:
"پی ٹی آئی کے کچھ لوگوں کا براہ راست طالبان سے تعلق ہے۔ پی ٹی آئی کی مذاکراتی کمیٹی کو بتا دیا تھا کہ آپ کے لوگ طالبان سے ملے ہوئے ہیں، اس کے ثبوت ہیں۔"
مراد سعید پر الزام
وزیر داخلہ نے کہا:
· "مراد سعید فیصلے کر رہا تھا، وزیراعلیٰ نہیں۔"
· "ان کی کابینہ کے لوگوں نے کہا کہ مراد سعید نے ہمیں مروا دیا۔"
25 نومبر 2024 کے دھرنے کا ذکر
محسن نقوی کا کہنا تھا:
"25 نومبر 2024 کے دھرنے میں پی ٹی آئی کو ہم نے جگہ دینے کی پیشکش کی۔ پی ٹی آئی والوں نے کہا بانی چیئرمین سے فون پر بات کر کے دھرنے کو مؤخر کریں گے۔ فون پر بات کرائی تو آدھی پارٹی نے ماننے سے انکار کر دیا۔"
بیرسٹر گوہر کو ویڈیو بیان کی پیشکش
وزیر داخلہ نے مزید کہا:
"بیرسٹر گوہر کو بانی پی ٹی آئی کا ویڈیو بیان ریکارڈ کرانے کی پیشکش کی، تو بانی نے بیان ریکارڈ نہیں کرایا۔"
آئین کے تحت گورنر راج
ان کا کہنا تھا:
"اپوزیشن لیڈر سینیٹر راجہ ناصر عباس بتائیں کیا چیز آئین کے خلاف ہوئی ہے؟ گورنر راج اور ایمرجنسی آئین کے تحت ہی لگائی گئی ہے۔"
ڈرافٹ میں تبدیلیوں کا انکشاف
محسن نقوی نے بتایا:
· "بیرسٹر گوہر کو فون کر کے کہا بتائیں پیرا نمبر 4 میں کیا تبدیلی کرنی ہے۔"
· "ڈرافٹ میں 3 بار تبدیلیاں ہوئیں، چوتھی بار 6 تبدیلیوں کی بات کی گئی۔"
· "6 کی 6 تجویزیں مان لیں، بات پھر بھی آگے نہیں بڑھ سکی۔"
· "جب سب طے ہو گیا تو انہوں نے ڈرافٹ وزیراعلیٰ خیبرپختونخوا کو بھیجا۔"
اہم انکشاف
وزیر داخلہ نے انکشاف کیا:
"وزیراعلیٰ خیبرپختونخوا نے طے شدہ ڈرافٹ آگے مراد سعید کو بھیجا۔ بتایا جائے جب فیصلہ سہیل آفریدی نے کرنا تھا تو وہ مذاکرات میں شریک کیوں نہیں ہوئے؟"
ویڈیو بیان کی شرائط
ان کا کہنا تھا:
· "پھر انہوں نے بانی پی ٹی آئی کے ویڈیو بیان کی شرط رکھی، بیرسٹر گوہر سے کہا جا کر ویڈیو بیان ریکارڈ کرالیں۔"
· "اس پر بھی بانی نے شرط رکھی کہ ریکارڈنگ بیرسٹر گوہر کے فون سے ہوگی، ہم نے شرط مان لی۔"
· "تو بانی نے کہا کہ ریکارڈنگ سلاخوں کے پیچھے سے ہوگی۔"
· "سلاخوں کے پیچھے سے ریکارڈنگ کی بات مان لی تو بانی نے کہا آج نہیں کل ریکارڈنگ کراؤں گا۔"
راجہ ناصر عباس سے مخاطب
محسن نقوی نے کہا:
"راجہ ناصر صاحب ہمیں ذمہ دار نہ ٹھہرائیں، اپنے لوگوں کو دیکھیں جنہوں نے آپ کی پارٹی کو یہاں تک پہنچایا ہے۔"