پولیس
مانسہرہ: منشیات فروشوں کے خلاف کریک ڈاؤن، آئس اور ہیروئن سمیت دو ملزمان گرفتار
19-نومبر-2026 — Qazi Jawad
0 تبصرے
26 وزٹ
Read in English
مانسہرہ (خصوصی رپورٹ): ڈسٹرکٹ پولیس آفیسر مانسہرہ محمد وقاص خان کے احکامات پر ضلع بھر میں منشیات فروشوں، بالخصوص آئس کا کاروبار کرنے والے عناصر کے خلاف کارروائیوں کا سلسلہ جاری ہے۔ اس سلسلے میں تھانہ سٹی پولیس نے دو مبینہ منشیات فروشوں کو گرفتار کرکے ان کے قبضے سے آئس اور ہیروئن برآمد کرنے کا دعویٰ کیا ہے۔
پولیس کے مطابق کارروائی کے دوران میجر ایوب روڈ اور غازی کوٹ سے تعلق رکھنے والے دو ملزمان کو حراست میں لیا گیا۔ گرفتار ملزمان کی شناخت شیراز عرف سیٹھ ولد نور محمد اور صداقت ولد صادق کے نام سے ہوئی ہے۔
پولیس کا کہنا ہے کہ دونوں ملزمان کے قبضے سے آئس اور ہیروئن برآمد کی گئی، جس کے بعد ان کے خلاف تھانہ سٹی مانسہرہ میں منشیات ایکٹ کے تحت الگ الگ مقدمات درج کر لیے گئے ہیں۔
ڈی پی او مانسہرہ محمد وقاص خان کی ہدایات کے مطابق ضلع بھر میں منشیات کے خاتمے اور نوجوان نسل کو اس لعنت سے محفوظ رکھنے کے لیے کارروائیاں جاری ہیں۔ پولیس کے مطابق گرفتار ملزمان سے مزید تفتیش اور برآمد شدہ منشیات کے حوالے سے قانونی کارروائی عمل میں لائی جا رہی ہے۔
پولیس کے مطابق کارروائی کے دوران میجر ایوب روڈ اور غازی کوٹ سے تعلق رکھنے والے دو ملزمان کو حراست میں لیا گیا۔ گرفتار ملزمان کی شناخت شیراز عرف سیٹھ ولد نور محمد اور صداقت ولد صادق کے نام سے ہوئی ہے۔
پولیس کا کہنا ہے کہ دونوں ملزمان کے قبضے سے آئس اور ہیروئن برآمد کی گئی، جس کے بعد ان کے خلاف تھانہ سٹی مانسہرہ میں منشیات ایکٹ کے تحت الگ الگ مقدمات درج کر لیے گئے ہیں۔
ڈی پی او مانسہرہ محمد وقاص خان کی ہدایات کے مطابق ضلع بھر میں منشیات کے خاتمے اور نوجوان نسل کو اس لعنت سے محفوظ رکھنے کے لیے کارروائیاں جاری ہیں۔ پولیس کے مطابق گرفتار ملزمان سے مزید تفتیش اور برآمد شدہ منشیات کے حوالے سے قانونی کارروائی عمل میں لائی جا رہی ہے۔
تبصرے (0)
ابھی کوئی تبصرہ موجود نہیں — پہلا تبصرہ آپ کریں۔
تبصرہ کریں