تاجروں کے مطالبے پر ڈی آئی جی ہزارہ کا بڑا فیصلہ، ایبٹ آباد شہر میں یکطرفہ ٹریفک کا منصوبہ ختم، پرانا ٹریفک روٹ بحال

ایبٹ آباد: ایبٹ آباد شہر میں یکطرفہ ٹریفک کے نئے منصوبے کے باعث پیدا ہونے والے مسائل پر تاجروں کے تحفظات سامنے آنے کے بعد ڈی آئی جی ہزارہ نے منصوبہ ختم کرتے ہوئے شہر کا سابقہ ٹریفک روٹ بحال کرنے کا فیصلہ کر لیا۔ تفصیلات کے مطابق تاجروں کے نمائندوں سپریم لیڈر نعیم اعوان، اشتیاق اعوان اور وقاص حسین نے ڈی آئی جی ہزارہ سے ملاقات کے دوران شہر میں یکطرفہ ٹریفک کے نفاذ کے باعث کاروباری سرگرمیوں، شہریوں کی آمدورفت اور دکانداروں کو درپیش مشکلات سے آگاہ کیا اور مطالبہ کیا کہ ٹریفک کا سابقہ نظام بحال کیا جائے۔ تاجروں کے مؤقف اور مطالبات کا جائزہ لینے کے بعد ڈی آئی جی ہزارہ نے یکطرفہ ٹریفک کا منصوبہ ختم کرتے ہوئے پرانا ٹریفک روٹ بحال کرنے کا فیصلہ کیا۔ اس فیصلے کو تاجر برادری کے مطالبے پر اہم پیش رفت قرار دیا جا رہا ہے، جبکہ شہریوں اور تاجروں کو توقع ہے کہ سابقہ ٹریفک نظام کی بحالی سے شہر میں آمدورفت اور کاروباری سرگرمیوں کو درپیش مشکلات میں کمی آئے گی۔